قصيده قوويه

لزوماً اظهر البسمة ولو إن الزمن قد فات لزوماً اقهر الدنيا وكل شخص ٍتحداني

انا اللي صرخة افعاله دايم تسبق الكلمات انا اللي كل جبال الارض تتهدم لتفداني

اعز اللي يعزوني ولا ارضى لهم بشتات الملمهم وسط قلبي واسكنهم ب أجفاني

اعطيهم وامنيهم وارفعهم على الهامات واسقيهم من عروقي ولا اندم على الفاني

انا شامخ قوي بالله وقراري نافذ ٍ بالذات ليا مني وعدت الان انطرني وتحرّاني

ابد مانخلف الموعد وهذه هي اعز صفات وفي وصادق الكلمه والافعال تلقاني

اسافر وارحل لحالي ولا معهم اعيش ازمات ناسي ناسيين الجود والمعروف واحساني

تمنوني اعيش بهون او اصبح في الاموات ولكن ربك الرحمن عذبهم واحياني

خلاهم مثل النمل بل اصغر من الحشرات سقاهم من بحور الذل بحرٍ يتبعه ثاني

تدري ليش لقوا هذا الجزى بالذات لان البغض ديدنهم على مر كل الازماني

غايتهم مصالحهم وتعرفهم بحب الذات تعرفهم بكثير اشياء فيهم اصلاً تباني

بسيطه لايهمونك اهل الذل والزلات حذاري تقترب منهم إحذر ان كان لك شاني

سيبك من عيال ابليس واهل الطيش والسهرات خلك طيب السمعه لاجل يصير لك شاني

كن وافي مع الوافي وحاول تكتم العبرات حاول تحبس الدمعه قبل للحاسد تباني

حاول تظهر البسمه لو طالت بك الآهات ترى ان الناس من حولك كثير اشكال والواني

قليل اهل الوفاء والحب واهل الود والخيرات واغلبهم عواذل ماشيين بدرب شيطاني

في وقت السعه الاصحاب ينعدون بالعشرات ووقت الضيق وين اللي يقول انه بيفداني

جروح الوقت ياقلبي ترى اكبر من الكلمات بس بالحلم اتحمل وطول الصبر عنواني

تراني يازمن شامخ ولا ترعبني الهزّات صحيح اني بشر لكن رب العرش يرعاني

ادعوا الله الخلاّق تراه ملبي الدعوات سبحانه عظيم الشأن الواحد بلا ثاني

وطال الهم في غربه ودمعي ماوقف لحظات زماني هو زمانك ولابه فرق يا فلاني