أقوى كلمات سمعتها بحياتي

أقوى كلمات سمعتها بحياتي



يعني لو شنو سوّت .. مايسوى عليها كل هالدعاااء !!







سمعي عسى من بعدها ما تسمعين


سمعي دعا من صار قلبه حصاتي ..


أدعي عسى من ناظرك ما تشوفين


وتطحن بك الأيام طحن الرحاتي ..




وعساك عوق منه ما عاد تبرين


عوق تشافق له قلوب العداتي ..


ويالله عسى يحتار فيك المداوين


تبين الممات ولا يجيك المماتي ..




ويالله عسى كف الندامة تعضين


تندمين يوم إنه يفوت الفواتي ..


وتبكين دم يسيل من مقلة العين


وتحتار أمك عن عناك وتحاتي ..




عسى ما تلاقي من له القلب تهدين


وإن هو حصل ادعي عساك الشتاتي ..


يا بلوة اللي وسط بيته تعيشين


ساهي وحوله شب جمر الغضاتي ..




عسى بعمرك ساعة ما تهنين


وتمضي حياتك بين هم وشقاتي ..


يا بنت قلبي وين مثله تلاقين


قلبٍ عطاك الحب ما قال هاتي ..




والبادي أظلم سنة العين بالعين


والا فذي لا عادتي ولا صفاتي ..


ويا شبه إنسانة براس ورجلين


أعوذ بالرحمن منك بصلاتي ..